Eis Offer fir déi Lëtzebuergesch Sprooch
Schwätzt Dir Lëtzebuergesch?
Dir wëllt Lëtzebuergesch léieren oder Är Lëtzebuergeschkenntnisser verdéiwen an erweideren oder d’Lëtzebuerger Nationalitéit kréien, fir déi adequat Sproochekenntnisser eng Virbedéngung sinn?
Mir kënnen Iech weiderhëllefen. Den INLL ass als national Zertifizéierungsinstanz fir Diplomer an Zertifikater an der Lëtzebuerger Sprooch unerkannt. Eis dynamesch a weltoppe Formatiounsekipp begleet Iech gäre bei Ärer Demarche, fir d’Landessprooch vum Grand-Duché ze léieren.
Eis Method
D’Grondsätz vum Enseignement, vum Léierprozess a vun der Evaluatioun am INLL baséieren op den Direktive vum Gemeinsamen Europäesche Referenzkader fir Sproochen (GERS, www.coe.int), dee vum Europäesche Rot ausgeschafft gouf. Dëse Klassifikatiounssystem ëmfaasst sechs Niveauen, vun A1 fir absolut Ufänger bis C2, wat dem Niveau vun engem Mammesproochler entsprécht.
Conformément à l’article 28 de la loi modifiée du 8 mars 2017 sur la nationalité luxembourgeoise, les cours de luxembourgeois de l’Institut national des langues Luxembourg (INLL) ne donnent pas droit à la délivrance d’un certificat valable pour une demande de nationalité luxembourgeoise. Seuls les cours organisés par le Service de la formation des adultes et dont le programme est agréé par le ministre ayant l’Éducation nationale dans ses attributions peuvent donner lieu à la délivrance d’un certificat valable pour une demande de nationalité.
Plus d’informations sur le site du ministère de l’Education nationale, de l’Enfance et de la Jeunesse.
Zorte vu Coursen, déi mir am Lëtzebuergeschen ubidde kënnen
-
Standardcours
- 2 bis 3 Coursë pro Woch (jee no Niveau)
- Coursë vun 100 Minutten
- Dauer 1 Semester
-
Intensivcoursë mat berufflecher Ausriichtung
- 4 Coursë pro Woch
- Coursë vun 200 Minutten
- Dauer 8 Wochen
-
Kompaktcours
- Maximal 2 Coursë pro Woch
- Coursë vun 100 Minutten
- Dauer 1 Semester
-
Coursen a Form vu Workshoppen
- 1 bis 2 Coursë pro Woch
- Coursë vun 100 Minutten
- Dauer 1 Semester
-
Blended learning
- 1 bis 2 Coursë pro Woch an der Klass an 1 Cours pro Woch am Fernunterrecht (Selbststudium)
- Coursë vun 100 Minutten
- Dauer 1 Semester
-
e-Learning Cours
- 2 bis 3 Online-Coursë pro Woch
- Coursë vun 100 Minutten
- Dauer 1 Semester
-
Hybride Cours
- 2 bis 3 Coursë pro Woch (an der Klass ODER Online-Unterrecht)
- Coursë vun 100 Minutten
- Dauer 1 Semester
-
Autonoomt Guidéiert Léieren Lëtzebuergesch (AGLL)
- Wärend dem Semester si 6 obligatoresch Coursen iwwert Visiokonferenz.
- Eng Online-Spriechstonn, fir Hëllef ze kréien a Froen ze beäntweren, gëtt 1x pro Woch vun der Enseignante organiséiert.
-
Moving Languages
- 5 Coursë pro Woch
- Coursë vun 180 Minutten
- Dauer 8 Wochen
-
Combinéiert Coursen
- 2 bis 3 Coursë pro Woch an der Klass an 1 Cours pro Woch synchron am Online-Unterrecht
- Coursë vun 100 Minutten
- Dauer 1 Semester
Benotzte Bicher
Niveau A1 :
Niveau A2.1 / A2.2 :
Niveau B1.1 / B1.2 / B1.3 :
Niveau B2
Verfügbar GERS-Niveauen
Op dësem Niveau kënnt Dir Iech mat einfache Wierder a Sätz an alldeegleche Situatioune verstännegen.
Op dësem Niveau kënnt Dir Iech op einfach Aart a Weis am Alldag verstännegen.
Op dësem Niveau sidd Dir an der Lag, alldeeglech Situatiounen ze bewältegen an Iech (mat eventuellen Hesitatiounen) zu aktuelle Geschéien ze äusseren.
Op dësem Niveau kënnt Dir Iech zu engem breede Spektrum vun Theeme spilles an am Grousse Ganze korrekt verstännegen.
Op dësem Niveau kënnt Dir d’Sprooch wierksam a flexibel benotzen.
Verfügbar Sitten
Dir kënnt eis Lëtzebuergeschcoursen op de follgende Sitte vum INLL suivéieren:
Zertifikatiounen
Eis Apprenante(ë)n, grad ewéi all aner Persounen, hunn d’Méiglechkeet, déi follgend Examen ze maachen, fir hir Sproochekenntnisser zertifiéieren ze loossen:
- Lëtzebuergesch als Friemsprooch (LaF, Niveauen A2, B1, B2, C1)
- Zertifikat Lëtzebuerger Orthografie (ZLO)
- Sproochentest (Sproochentest fir d’lëtzebuergesch Nationalitéit ze kréien, A2 mëndlechen Ausdrock, B1 Héierverstoen).
Sproochentest Lëtzebuergesch
Den INLL ass den offizielle Prestataire vum Sproochentest Lëtzebuergesch. Dat ass den Examen, mat deem déi mëndlech Kenntnisser an der Lëtzebuerger Sprooch evaluéiert ginn, fir d’lëtzebuergesch Nationalitéit ze kréien.
Zertifikat Lëtzebuerger Orthografie (ZLO)
Dësen Test riicht sech u Persounen, déi hir Kompetenzen an der Orthografie duerch en offiziellen Test zertifizéiere loosse wëllen.
Formatioun ZLLL – Zertifikat Lëtzebuergesch Léiere Léieren
Dës Formatioun riicht sech u Persounen, déi sech als Enseignant(e) an der Erwuessenebildung bei de Gemengen oder an engem staatlech subventionéierte Secteur aus- oder weiderbilde wëlle loossen.
Member vun:
