De Sproochentest
Wat ass de Sproochentest
Wien ass betraff?
Dës Prozedur betrëfft nëmme Persounen, déi ënnert den Artikel 14 vum Gesetz vum 8. Mäerz 2017 iwwer d’Lëtzebuerger Nationalitéit falen.
Oflaf
Zwee obligatoresch Tester:
1. Mëndlechen Ausdrock -– verlaangten Niveau: A2
Den Niveau vum mëndlechen Test entsprécht dem Niveau A2 vum Gemeinsamen Europäesche Referenzkader fir Sproochen an de Beräicher mëndlechen Ausdrock a mëndlech Interaktioun.
„De Kandidat oder d’Kandidatin ka sech virstellen a mat einfache Wierder iwwert seng/hir Famill, aner Leit, seng/hir Liewensëmstänn, seng/hir Ausbildung oder säin/hire Beruff schwätzen. Hien/Si kann och mat einfache sproochleche Mëttele Persounen, Saachen an Aktivitéite beschreiwen a vergläichen.”
2 Deeler:
- Gespréich iwwert en Theema vum Niveau A2 (z. B. Aarbecht, Famill, Fräizäit …) mat engem Préiwer oder enger Préiwerin. De Kandidat oder d’Kandidatin kann tëschent 2 Theeme wielen.
- Beschreiwung vun engem visuelle Support. De Kandidat oder d’Kandidatin kann tëschent 3 verschidde Medie wielen.
Evaluatiounskrittären: Repertoire, fléissenden Ausdrock, Däitlechkeet, Benotze vu grammatikalesche Strukturen, Kohärenz, Fäegkeet, sech verständlech ze maachen, Interaktivitéit.
Dauer: 10 Minutten (2 x 5)
Den Exame fir d’Héierverstoe gëtt um Tablette gemaach.
Tablette: Mëndlechen Ausdrock an Héierverstoen an engem hallwen Dag.
Dauer : 35 minutes
Héierverstoen – verlaangten Niveau: B1
Den Niveau vum Test Héierverstoen entsprécht dem Niveau B1 vum Gemeinsamen Europäesche Referenzkader fir Sproochen.
De Kandidat oder d’Kandidatin
- kann „d’Haaptpunkte verstoen, wann eng kloer Standardsprooch gebraucht gëtt a wann et ëm vertraut Saache vun der Aarbecht, der Schoul, der Fräizäit asw. geet.
- gëtt an deene meeschte Situatiounen op der Rees oder an enger Regioun, an där d’Zilsprooch geschwat gëtt, eens.”
Héierverstoe vun 3 Texter:
- eng Radiosnoriicht.
- e Gespréich iwwer en alldeeglecht Theema.
- en Dialog oder eng Presentatioun iwwer e bestëmmt Theema.
Fir all Ecoute gëtt e Questionnaire verdeelt, op deem déi richteg Äntwerten unzekräize sinn. (lien plus haut).
Reussite
Fir den Examen ze packen, muss de Kandidat resp. d’Kandidatin op d’mannst d’Hallschent vun de Punkten am Test iwwer de mëndlechen Ausdrock kréien.
Eng Nott vu manner ewéi der Hallschent vun de Punkten am Test iwwer de mëndlechen Ausdrock ka mat der Nott am Test iwwer d’Héierverstoe kompenséiert ginn. An deem Fall gëllt de Sproochentest als bestanen, wann d’Moyenne vum Héierverstoen a vum mëndlechen Ausdrock bei op d’mannst 50 % läit.
Virbedéngungen & Aschreiwung
Aussergewéinlech Ëmstänn
Wann eng Persoun mat Behënnerung sech aschreift, suergt den INLL fir déi materiell Installatioun oder déi perséinlech Hëllef, déi et där Persoun erlaabt, esou gutt wéi méiglech um Test deelzehuelen. An alle Fäll muss en offiziellt Dokument vun enger medezinescher Autoritéit virleien. Dëst Dokument muss mam Aschreiwungsdossier agereecht ginn.
*Als Identitéitsdokumenter gëllen:
- den auslännesche Pass.
- d’Identitéitskaart (vun den zoustännegen auslänneschen Autoritéiten ausgestallt).
- den Titre de séjour fir Flüchtlingen (vum Aussen- an Europaministère ausgestallt).
- den Titre de séjour fir Staateloser (vum Aussen- an Europaministère ausgestallt).
- den Titre de séjour fir Auslänner (vum Aussen- an Europaministère ausgestallt).
- d’Carte de séjour (vum Aussen- an Europaministère ausgestallt).
- de Certificat vun der Direction de l’Immigration vum Aussen- an Europaministère, deen attestéiert, datt de Kandidat resp. d’Kandidatin als Flüchtling am Sënn vun der Genfer Konventioun iwwer de Statut vu Flüchtlinge vum 28. Juli 1951 unerkannt ass.
Beispiller vun Tester
D’Kenntnisser vun der lëtzebuergescher Sprooch ginn am Kader vun zwee Tester evaluéiert. Hei si Beispiller fir déi zwee Tester.
1. Mëndlechen Ausdrock
Éischten Deel: Gespréich
De Kandidat oder d’Kandidatin kann tëschent zwee Theeme wielen, déi de Préiwer resp. d’Préiwerin proposéiert.
Zweeten Deel: E visuelle Support beschreiwen
De Kandidat oder d’Kandidatin kann tëschent dräi visuelle Supporte wielen an een dovunner beschreiwen.
Beispiller vu visuelle Supporten:
2. Héierverstoen
audio Fichier am MP3-Format fir erofzelueden (3,2 Mo)
Wou kann een de Sproochentest maachen?
Member vun:
