CHARTA VUM NATIONALE SPROOCHENINSTITUT LËTZEBUERG

Den Nationale Sproocheninstitut Lëtzebuerg (INLL) ass der Autoritéit vum Educatiounsministère ënnerstallt. Seng Haaptaufgab besteet doranner, Sproochecoursë fir Erwuessener unzebidden.

An der Charta vum INLL ginn déi gemeinsam Wäerter festgehalen, déi en harmonescht Zesummeliewen tëschent de Mataarbechter vum INLL an den Apprenante(ë)n erméiglechen.
Den INLL fërdert d’Entwécklung vun deem Eenzelen a senger mënschlecher a multikultureller Diversitéit op der Basis vu gemeinsame grondleeënde Wäerter:

• Respekt an Toleranz
• Jiddweree beméit sech ëm de géigesäitege Respekt an d’Akzeptanz vun den Ënnerscheeder.
• Zesummenaarbecht an Héiflechkeet
• Jiddweree beméit sech ëm Héiflechkeet an e frëndlechen a kollegialen Ëmgang.
• Gläichheet 
• Jiddwereen huet d’Recht op déi selwecht Behandlung a Wäertschätzung.

D’Membere vun der Schoulgemeinschaft engagéiere sech, an enger Atmosphär vu géigesäitegem Verständnis responsabel a respektvoll mateneen ëmzegoen, am Sënn vum interkulturellen Austausch an der sozialer Integratioun.

D’Apprenante(ë)n engagéiere sech, d’Léiermaterial ze gebrauchen an déi Léierstrategien unzewenden, déi erfuerdert sinn, fir déi proposéiert Ziler ze erreechen.
Den INLL engagéiert sech fir eng transparent Kommunikatioun a versicht alles ze maachen, fir den Apprenante(ë)n ze hëllefen, hire Léierparcours an hire perséinleche pedagogesche Projet opzebauen, ze entwéckelen an ze verwierklechen.

__________________

Gesetz vum 8. Mäerz 2023 iwwert d’Grënnung vum Nationale Sproocheninstitut, Mémorial A Nr. 156 vum 21.03.2023.