Le contenu de cette page n’est disponible qu’en langue luxembourgeoise.
This page is only available in Luxembourgish.

Zertifikat Lëtzebuerger Sprooch a Kultur (ZLSK)

Am „Institut national des langues“ (INL) gëtt ab Hierscht 2019 erëm d’Formatioun “Zertifikat Lëtzebuerger Sprooch a Kultur” (ZLSK) ugebueden.

Zilgrupp

D’Formatioun riicht sech u Leit, déi sech als Lëtzebuergesch-Formateuren an der Erwuessenebildung bei de Gemengen oder am konventionéierte  Secteur wëllen aus- oder weiderbilde loossen.

Schwéierpunkten

De Besoinen, den Ziler an de Léierprozesser vun Erwuessenen, déi Lëtzebuergesch léiere wëllen, gerecht ze ginn. De spéideren Formateuren déi néideg theoretesch a praktesch, fachlech grad ewéi methodesch-didaktesch Hannergrënn ze vermëttelen.

Inhalt

3 Module vun am Ganzen 120 Stonnen:

  • Literatur a Kultur (30 Stonnen);
  • Didaktik (60 Stonnen);
  • Linguistik (30 Stonnen).

D’Kandidate kréien och iwwert de Wee vun engem zousätzleche Stage (6 Stonnen) e praktesche Bezuch zum Enseignement vum „Lëtzebuergesch als Friemsprooch“.

Evaluatioun

D’Leeschtung an deenen eenzele Module gëtt duerch Tester (op 20 Punkten), schrëftlech Aarbechten, perséinlech Presentatiounen an eng Evaluation continue iwwerpréift. Eng regelméisseg Präsenz an en aktiivt Matschaffen an de Course gëtt virausgesat.

Ofschloss

Kandidaten, déi déi 3 Module mat Erfolleg ofgeschloss hunn, kréien den „Zertifikat Lëtzebuerger Sprooch a Kultur“ (ZLSK) , deen hinnen et erlaabt, iwwert en Agrément vum Ministère de l’Education nationale, de l’Enfance et de la Jeunesse, Lëtzebuergesch-Coursen an de Gemengen an am konventionéierte Secteur ze ginn.

Dauer an Horaire

D’ Formatioun ass folgend Samschdeger, ëmmer vun 9-12 Auer a vun 13-16 Auer:

28.09.19 / 05.10.19 / 12.10.19 / 19.10.19 /  09.11.19 / 16.11.19 / 23.11.19 / 30.11.19 / 07.12.19 / 14.12.19 (1.Semester)

11.01.20 / 18.01.20 / 25.01.20 / 01.02.20 / 08.02.20 / 29.02.20 / 07.03.20 / 14.03.20 / 21.03.20 / 28.03.20 (2.Semester)

Tarif

100 € pro Semester

Viraussetzunge fir ugeholl ze ginn

  • „Diplôme de fin d’études secondaires classique/technique“ oder en equivalenten (homologéierten) Diplom, mammesproochlech Kompetenzen am Lëtzebuergeschen Minimum Niveau C1 vum Europäesche Referenzkader fir d’Sproochen), respektiv 7 Joer Scolaritéit am Grand-Duché am ëffentlechen oder privaten Enseignement no de Programmer vum Ministère;
  • op d’mannst 5 Joer Enseignement vum Lëtzebuergeschen an der Zäit virun 2009.

Kandidatur

De perséinlechen Dossier soll schrëftlech mat dësen Dokumenter agereecht ginn:

  • Aschreiwungsformulär;
  • Kopie vum Premièresdiplom oder eng (homologéiert) Equivalenz;
  • Motivatiounsbréif op Lëtzebuergesch, an deem d’Kompetenzen an d’Experienz vum Kandidat, souwéi déi perséinlech Virstellungen an Erwaardungen un d’Formatioun presentéiert ginn.

De leschten Delai fir en Dossier eranzeginn ass den 19. Juli 2019.

Eng Selektioun gëtt opgrond vum Dossier gemaach.

Kontakt

Institut national des langues

21, bd de la Foire
L – 1528 Luxembourg

Carine Peller: Tel: 26 44 30-390
E-Mail: carine.peller@inll.lu

Weider Informatiounen

Règlement grand-ducal du 6 novembre 2009 déterminant l’organisation de la formation préparant au „Zertifikat Lëtzebuerger Sprooch a Kultur“

http://legilux.public.lu/eli/etat/leg/rgd/2009/11/06/n3/jo

NEIEGKEETEN

Heures d’ouverture – Vacances de Noël

INL-Glacis, INL-Belval, INL-Mersch 20 décembre 2019 Pas de cours à partir de 16h00 Les 3 sites sont fermés au public à partir de 16h00 21 décembre 2019 – 05 janvier 2020 Les 3 sites sont fermés au public du 21/12/19 au 05/01/20 (inclus) 06 janvier 2020 Pas de cours L’INL-Glacis et l’INL-Belval sont ouverts de […]

Abonnement gratuit « KONTERBONT »

Tous les 2 mois, « KONTERBONT » propose 11 rubriques thématiques et interactives pleines d’articles passionnants et informatifs sur le Luxembourg, sa culture et ses personnalités. En lisant, vous apprendrez de nouveaux mots et vous améliorerez votre prononciation. « KONTERBONT» est disponible sur tablette tactile et smartphone. L’INL vous offre un abonnement gratuit durant la […]

New enrolments – spring semester 2020

You are not yet a student at the INL and you would like to enrol in a course for the spring semester 2020: Create now an enrolment file via MyINL. We offer appointments for language evaluation interviews throughout the semester. The spring semester 2020 starts on 25 February 2020. Further information regarding the enrolment procedure: http://www.inll.lu/…/informations-pour-les-nouvelles-inscr…/

EXAMEN L.A.F. Dezember 13 am INL

Niveauen: A2 B2 C1 Moies gi fir d’Niveauen A2 a B2 d’Examen an de Kompetenzen (HV, LV, SA)* gepréift. Fir den C1 (LV an SA)   Am Nomëtteg sinn déi mëndlech Examen (MA)*. Fir den C1 gëtt d’Héierverstoe mam Mëndleche getest (HV+MA).   Schéckt Ären Umeldungsformulaire op laf-sproochentest@inll.lu Meldeschluss ass den 13. November.   Méi […]