Formatioun iwwer d’Lëtzebuerger Literatur, Sprooch a Kultur (120 Stonnen)

Beschreiwung vun de Modullen

INHALT

LËTZEBUERGER LITERATURGESCHICHT

OBJEKTIVER

Allgemeng Aféierung an d’Entwécklung vun der Lëtzebuerger Literatur vum 19. Jh. bis haut.
Déi verschidde literaresch Genrë gi mat exemplareschen Texter virgestallt.

LITERATURDIDAKTIK

Rezeptioun, Interpretatioun vu literareschen Texter a méiglech Vermëttlung am Cours.

HISTORESCH A KULTURELL ASPEKTER

An dësem Kontext ginn an engem kuerzen Iwwerbléck d’Geschicht vum Grand-Duché, grad wéi seng Spezifizitéiten tëscht dem däitschen an dem franséische Sprooch- a Kulturraum virgestallt. Dobäi kommen ë. a. och déi verschidde kulturell Institutiounen an d’Medien zur Sprooch.

SOZIOKULTURELL
ASPEKTER

Hei ginn nieft gesellschaftlechen Aspekter déi ganz typesch Eegenaarte vu Lëtzebuerg aus dem Alldag thematiséiert wéi Fester, Bräich, Iessgewunnechten…

30
Stonnen

INHALT

CECR

(Europäesche Referenzkader)

OBJEKTIVER

I am text block. Click edit button to change this text. Lorem ipsum dolor sit amet, consectetur adipiscing elit. Ut elit tellus, luctus nec ullamcorper mattis, pulvinar dapibus leo.

METHODIK

Den Enseignant léiert ënnerschiddlech Methoden am Cours anzesetzen, fir d’Klass ze motivéieren, staark a schwaach Schüler ze fërderen a Strategien z’entwéckelen, fir de Vocabulaire ze vermëttelen an d’Schüler beim autonome Léieren z’ënnerstëtzen.

ÜBUNGSMATERIAL

Den Enseignant léiert Zousazmaterial (Bicher an audio-visuellt Material wéi authentesch Texter, Flyeren, Zeitungsartikelen, Reportagen, Noriichten asw.) kennen a beuerteelen, geziilt auszesichen an am Cours anzesetzen.

ERWUESSENEBILDUNG

Den Enseignant gëtt an d’Grondkonzepter vum Lëtzebuergeschen als Friemsprooch (LaF) erugeféiert. Am Kontext vun der Erwuessenebildung léiert hien déi spezifesch Ëmstänn kennen, ënnert deenen Erwuessener eng Sprooch léieren.
Den Enseignant léiert och d’Klass ze geréieren, d’Schüler z’encouragéieren, eng angschtfräi Atmosphär an der Klass ze schafen a mat onerwaarte Situatiounen a Feeler ëmzegoen.

60
Stonnen

INHALT

SPROOCHGESCHICHT

OBJEKTIVER

Den (spéideren) Enseignant léiert d’Lëtzebuerger Sproochgeschicht an de grousse Linne kennen.

ORTHOGRAPHIE

Den Enseignant léiert d’Grondzich vun der offizieller Schreifweis a gëtt mat Léierbicher, Computer- an Onlineprogrammer vertraut gemaach fir dëst Basiswëssen am Auto-Apprentissage (jee no perséinlechem Besoin) nach selwer weider ze verdéiwen.

PHONETIK

Induktiv Approche

Integrativ Approche

Den Enseignant kritt en éischten, kuerzen Abléck an d’Phonetik vum Lëtzebuergeschen. An deem Kontext ginn och phonetesch Eegenheeten ënnersicht, déi en Afloss op d’Orthographie hunn (N-Regel, Vermëllung, Vokalverdueblung asw.). Phonetesch Gesetzméissegkeete ginn unhand vu konkrete Beispiller erschafft.
Den Enseignant kritt iwwer entspriechend Text-Material Ureegungen, fir d’Phonetik am Cours (mat prakteschen Übungen) anzesetzen.

GRAMMATIK

Induktiv Approche

Integrativ Approche

Den Enseignant gëtt mat der Basis vun der Lëtzebuerger Grammatik a mam entspriechenden Zousazmaterial familiariséiert, fir adequat op méiglech konkret grammatesch Froe vun de Schüler am Cours anzegoen, woubäi d’Regelen iwwert déi konkret Textaarbecht vermëttelt an erkläert ginn.
Den Enseignant léiert iwwer induktiv an integrativ Methoden mat Texter déi grammatesch Aspekter esou auszeschaffen, datt se de Léierprozess vum Schüler ënnerstëtzen a seng schrëftlech a mëndlech Kommunikatioun fërderen.

30
Stonnen

Ofgeschloss gëtt d’Formatioun um Enn vun all Semester mat engem Test an/oder enger perséinlecher Aarbecht (déi en der Klass presentéiert gëtt) iwwert en Deelaspekt vum resp. Module (no Ofsprooch mam Titulaire), déi méiglechst praxis- a schülerorientéiert soll sinn.

Grondsätzlech gëllt fir déi dräi Modullen, datt de spéideren Enseignant un d’Basis vun der Matière erugeféiert a begleet gëtt. Virausgesat gëtt dobäi allerdéngs de perséinlechen Effort fir deen een oder anere Sujet (jee no perséinlechem Besoin) selwer weider ze verdéiwen.
Bei dësem pädagogesch wichtegen Auto-Apprentissage, am Sënn vun enger méiglechst grousser Autonomie vum spéideren Enseignant an der Praxis, gëtt de Kandidat selbstverständlech vum respektiven Titulaire encadréiert a kritt z. B. mat Informatiounen iwwer Zousaz-Material weidergehollef.

Kontakt

Institut national des langues

Luc Schmitz

21, bd de la Foire
L – 1528 Luxembourg

luc.schmitz@inll.lu

Règlement grand-ducal du 6 novembre 2009 déterminant l’organisation de la formation préparant au „Zertifikat Lëtzebuerger Sprooch a Kultur“

http://legilux.public.lu/eli/etat/leg/rgd/2009/11/06/n3/jo