Eis Formatiounen
Entwéckelt Är Kompetenze mam INLL als Formateur a Formatrice an der Erwuessenebildung!
Dir wëllt Är Fäegkeeten ausbauen oder Är andragogesch Praktike weiderentwéckelen?
D’INLL bitt Iech zwou Weiderbildungen un, déi op d’Ënnerriichte vun Erwuessener spezialiséiert sinn:
Egal ob Dir Iech berufflech nei orientéieren, Iech perfektionéieren oder nei Perspektiven entdecke wëllt – dës Formatioune maachen Iech d’Dieren an der Erwuessenebildung op.
Forméiert Iech am INLL a gitt eng Schlësselpersoun am Beräich lifelong learning!
Formatioun CELVP -Zertifikat fir Sproochecoursë mat berufflecher Zilsetzung
D’Formatioun “Certificat d’enseignement en langues à visée professionnelle” (CELVP) gëtt vum Institut national des langues Luxembourg (INLL) ugebueden. Si riicht sech u Persounen, déi sech wëllen am Beräich vu Sproochecoursë mat berufflecher Ausriichtung an der Erwuessenebildung aus- oder weiderbilde loosse wëllen, fir bei de Gemengen oder an engem staatlech subventionéierte Secteur Coursë kënnen ze ginn.
Formatioun ZLLL – Zertifikat Lëtzebuergesch Léiere Léieren
D’Formatioun „Zertifikat Lëtzebuergesch Léiere Léieren” (ZLLL) gëtt am Institut national des langues Luxembourg (INLL) ugebueden. Dës Formatioun riicht sech u Persounen, déi sech als Enseignant(e) an der Erwuessenebildung aus- oder weiderbilde wëlle loossen, fir bei de Gemengen oder an engem staatlech subventionéierte Secteur Coursen ze ginn / ze schaffen.
D’Schwéierpunkte vun der Formatioun sinn, de Besoinen, den Ziler an de Léierprozesser vun Erwuessenen, déi Lëtzebuergesch léiere wëllen, gerecht ze ginn an de spéidere Formateuren déi néideg theoretesch, praktesch, fachlech a methodesch-didaktesch Hannergrënn ze vermëttelen.
Member vun:
