Le contenu de cette page n’est disponible qu’en langue luxembourgeoise.
This page is only available in Luxembourgish.

Zertifikat Lëtzebuerger Sprooch a Kultur (ZLSK)

Zilgrupp

D’Formatioun riicht sech exklusiv u Leit, déi sech als Lëtzebuergesch-Formateuren an der Erwuessenebildung bei de Gemengen oder am konventionéierte Secteur wëllen aus- oder weiderbilde loossen.

Schwéierpunkten

De Besoinen, den Ziler an de Léierprozesser vun Erwuessenen, déi Lëtzebuergesch léiere wëllen, gerecht ze ginn. De spéidere Formateuren déi néideg theoretesch a praktesch, fachlech grad ewéi methodesch-didaktesch Hannergrënn ze vermëttelen.

Inhalt

3 Modullë vun am Ganzen 120 Stonnen:

  • Literatur a Kultur (30 Stonnen);
  • Didaktik (60 Stonnen);
  • Linguistik (30 Stonnen).

Ausserdeem ass och iwwert de Wee vun engem Tutorat e praktesche Bezuch zum Enseignement vum „Lëtzebuergesch als Friemsprooch“ an d’Formatioun integréiert.

Evaluatioun

D’Leeschtung an deenen eenzelne Modullë gëtt duerch Tester, schrëftlech Aarbechten a perséinlech Presentatiounen iwwerpréift. D’Notatioun ass op 20. Eng regelméisseg Präsenz an en aktiivt Matschaffen an de Coursë gëtt virausgesat.

Ofschloss

Kandidaten, déi déi 3 Modullë mat Erfolleg ofgeschloss hunn, kréien den „Zertifikat Lëtzebuerger Sprooch a Kultur“ (ZLSK) , deen hinnen et erlaabt, iwwert en Agreement vum Ministère de l’Education nationale, de l’Enfance et de la Jeunesse, Lëtzebuergesch-Coursen an de Gemengen an am konventionéierte Secteur ze ginn.

Viraussetzunge fir ugeholl ze ginn

  • „Diplôme de fin d’études secondaires classique/technique“ oder en equivalenten (homologéierten) Diplom, mammesproochlech Kompetenzen am Lëtzebuergeschen (= Minimum Niveau C1 vum Europäesche Referenzkader fir d’Sproochen), respektiv 7 Joer Scolaritéit am Grand-Duché am ëffentlechen oder privaten Enseignement no de Programmer vum Ministère;
  • op d’mannst 5 Joer Enseignement vum Lëtzebuergeschen an der Zäit virun 2009.

Nächst Sessioun

Oktober 2017

Kontakt

Carine Peller: Tel: 26 44 30-390
Email: carine.peller@inll.lu

NEIEGKEETEN

Pour la rentrée de l’INL

http://www.gouvernement.lu/7334872/12-inl-annee-academique  

Poste vacant

L’INL recrute un responsable communication (m/f) à mi-temps et à durée déterminée du 1er octobre 2017 au 30 septembre 2018 Les candidats intéressés trouveront le profil de poste, les conditions d’admission et les documents à fournir sur le site du gouvernement. http://www.govjobs.public.lu/content/govjobs/fr/postuler/postes-vacants/employes/2017/A1/20170921-conseillercommunication-inl.html Date limite de candidature: 4 septembre 2017

Am September kënnt den zweete Band vun der Serie „Schwätzt Dir Lëtzebuergesch?“ eraus

„Schwätzt Dir Lëtzebuergesch?“  ass den Titel vum lëtzebuergesche Léierbuch, dat den Institut national des langues (INL) ausgeschafft huet. De Band A1 ass iwwerschafft ginn a kënnt an enger neier Versioun eraus. De Band A2 ass an deene leschten zwee Joer ausgeschafft ginn a knäppt un den éischte Band un. D’Léierbicher riichte sech virun allem un […]

Horaires d’ouverture INL-Kirchberg – été 2017

Jusqu’au 28/07/2017 : 08h00 – 12h00 Du 31/07/2017  au 01/09/2017 : fermé au public Du 04/09/2017 au 14/09/2017 : 08h00 – 12h00 Le 15/09/2017 : 10h45 – 14h15 / 15h15 – 18h45 (journée d’inscription)