1.

Fir d’Aschreiwung si 75 € op de Kont CCPL LU57 1111 2993 9957 0000 vum Institut national des langues z’iwwerweisen.

2.

De kompletten Dossier ass un den Institut national des langues ze schécken oder do ofzeginn, mat:

  • engem ausgefëllten Aschreifformulaire
  • enger Fotokopie vum Pass*
  • enger rezenter Foto am Passfotosformat
  • enger Bankquittung, déi beleet, datt d’Aschreifkäschte bezuelt goufen.

Nëmme Kandidaten, déi e kompletten Dossier am INL ofginn, sinn ugemellt.
D’Zuel vun de Kandidaten, déi sech kënnen aschreiwen, ass begrenzt. D’Demandë ginn dem Datum no ugeholl. Déi Kandidaten, déi net konnten zréckbehale ginn, hu Prioritéit bei der Aschreiwung an déi nächst Sessioun.

3.

De Kandidat kritt spéitstens 2 Woche virum Test de geneeën Datum an d’Auerzäit matgedeelt. Wann de Kandidat dësen Horaire net respektéiert, gëtt e vum Test ausgeschloss.

All Kandidat muss sech virum Sproochentest mat deem Dokument kënnen ausweisen, dat als Kopie a sengem Dossier läit.

E Kandidat, deen net an den Test kënnt a keng Entschëllegung huet, kritt seng Aschreifkäschten net erëm a muss sech nei aschreiwen.

Speziell Ëmstänn:

Wann eng behënnert Persoun sech aschreift, suergt den INL fir déi materiell Installatioun oder déi perséinlech Hëllef, déi et där Persoun erlaabt, esou gutt wéi méiglech um Test deelzehuelen. An alle Fäll muss en offiziellt Dokument vun enger medizinescher Autoritéit virleien. Dëst Dokument muss mam Aschreiwungsdossier agereecht ginn.

  • Visuell behënnert Kandidate kréie vergréissert Kopië vum Test an hir Zäit gëtt ëm 1/3 verlängert.
  • Kandidate mat Héierproblemer kréie schrëftlech Instruktiounen an hir Zäit gëtt ëm 1/3 verlängert.
  • D’Infrastruktur vum INL erlaabt och Kandidate mat engem physeschen Handikap den Zougang zum Examensbureau an den Examenssäll.

*Als Identitéitsbeweis gëllt:

  • den auslännesche Pass
  • d’Identitéitskaart (vun den zoustännegen auslänneschen Autoritéiten ausgestallt)
  • den Titre de séjour fir Flüchtlingen (vum Ausseministère ausgestallt)
  • den Titre de séjour fir Staateloser (vum Ausseministère ausgestallt)
  • den Titre de séjour fir Auslänner (vum Ausseministère ausgestallt)
  • d’Carte de séjour (vum Ausseministère ausgestallt)
  • de Certificat vun der Direction de l’Immigration vum Ausseministère, deen attestéiert, datt de Kandidat als Flüchtling am Sënn vun der Genfer Konventioun iwwer de Statut vu Flüchtlinge vum 28. Juli 1951 unerkannt ass.