Am klenge Lëtzebuerg, matzen an Europa, begéine sech Dag fir Dag Eenheemescher, eng grouss Zuel vun auslännesche Residenten a vill Grenzgänger. Dat bréngt mat sech, datt am Land dräi Sproochen – Lëtzebuergesch, Franséisch an Däitsch – parallel benotzt ginn. Dës komplex an eenzegaarteg Sproochesituatioun huet 1991 zur Grënnung vum Centre de langues Luxembourg (CLL) gefouert, aus deem duerch d’Gesetz vum 22. Mee 2009 den Institut national des langues (INL) ginn ass. Den INL ass eng ëffentlech Verwaltung, déi zum Ministère de l’Education nationale, de l’Enfance et de la Jeunesse gehéiert.

Eis Aufgaben

Den INL huet als Sproochen- a Bildungszenter folgend Aufgaben

  • Friemsprooche fir Erwuessener unzebidden, fir:
    • d’Méisproochegkeet ze fërderen,
    • d’Integratioun an de sozialen Zesummenhalt ze vereinfachen,
    • d’Chancë vun den Apprenanten um Aarbechtsmaart ze verbesseren;
  • den interkulturellen Austausch duerch d’Uwenne vun de geléierte Sproochen ze ënnerstëtzen;
  • Alphabetisatiounscoursen unzebidden.

Als Zertifikatiounszenter huet den INL d’Aufgab

  • lëtzebuergesch Sproochekenntnisser duerch d’Ausstelle vun Diplomer an Zertifikater vun der Lëtzebuerger Sprooch ze zertifiéieren;
  • Tester an international Examen an den eenzelne Friemsproochen z’organiséieren.

Sproochecoursen

Den INL bitt Coursë fir Erwuessener an 8 Sproochen un: Franséisch – Lëtzebuergesch – Englesch – Däitsch – Spuenesch – Italienesch- Portugisesch – Chinesesch.

D’Offer besteet aus:

  • allgemenge Coursë fir Ufänger a fir Persounen, déi scho Kenntnisser an der Sprooch hunn;
  • spezifesche Coursen, wéi zum Beispill: „Deutsch für den Beruf“ – „Business English“ – „Deutsch für Juristen“ – „L’italien des médias“;
  • der Formatioun „Zertifikat Lëtzebuerger Sprooch a Kultur“ (ZLSK) fir Lëtzebuergeschenseignanten.

2014 haten sech méi wéi 12.000 Leit aus 130 Natiounen an d’Coursen ageschriwwen; am Ganze goufe 55.000 Stonne Cours ugebueden.

Evaluéierung vun de Sproochekenntnisser

Den INL organiséiert international Sproochenexamen an -tester an Zesummenaarbecht mam Goethe-Institut,der Cambridge University,dem Instituto Cervantes, dem Centre international d’études pédagogiques,der Università per Stranieri, Perugia an der Universidade de Lisboa.

  • Däitsch– Goethe Zertifikat – Test Deutsch als Fremdsprache;
  • Englesch – Cambridge English Language Assessment – International English Language Testing System;
  • Spuenesch– Diplomas de Español como lengua extranjera;
  • Franséisch– Diplôme élémentaire/approfondi de la langue française – Test de Connaissance du Français;
  • Italienesch – Diploma della Lingua Italiana;
  • Portugisesch – Diploma de Português Língua Estrangeira.

Den INL ass déi national Zertifizéierungsinstanz fir amtlech Diplomer an Zertifikater fir Lëtzebuergesch :

  • « Lëtzebuergesch als Friemsprooch »;
  • « Sproochentest Lëtzebuergesch » fir d’Lëtzebuerger Nationalitéit ze kréien;
  • «  Zertifikat Lëtzebuerger Sprooch a Kultur” – ZLSK.

Eis Enseignanten

D’Equipe vum INL besteet aus méi wéi 100 Enseignanten, déi op Sproochecoursë fir Erwuessener spezialiséiert sinn: Proffen; Chargé-de-coursen, déi an hirer Mammesprooch enseignéieren; Formateur-d’adulten; Stagiairen.

Eis Sitten

Den INL bitt Coursen op 3 Plazen un:

  • Lëtzebuerg-Stad (Kierchbierg): Franséisch – Lëtzebuergesch – Englesch – Däitsch – Spuenesch – Italienesch – Chinesesch;
  • Lëtzebuerg-Stad (Lycée Aline Mayrisch): Englesch – Däitsch – Spuenesch – Italienesch- Portugisesch;
  • Miersch: Däitsch – Lëtzebuergesch – Franséisch – Englesch;
  • Belval: Däitsch – Lëtzebuergesch – Franséisch – Englesch.

NEIEGKEETEN

Pour la rentrée de l’INL

http://www.gouvernement.lu/7334872/12-inl-annee-academique  

Poste vacant

L’INL recrute un responsable communication (m/f) à mi-temps et à durée déterminée du 1er octobre 2017 au 30 septembre 2018 Les candidats intéressés trouveront le profil de poste, les conditions d’admission et les documents à fournir sur le site du gouvernement. http://www.govjobs.public.lu/content/govjobs/fr/postuler/postes-vacants/employes/2017/A1/20170921-conseillercommunication-inl.html Date limite de candidature: 4 septembre 2017

Am September kënnt den zweete Band vun der Serie „Schwätzt Dir Lëtzebuergesch?“ eraus

„Schwätzt Dir Lëtzebuergesch?“  ass den Titel vum lëtzebuergesche Léierbuch, dat den Institut national des langues (INL) ausgeschafft huet. De Band A1 ass iwwerschafft ginn a kënnt an enger neier Versioun eraus. De Band A2 ass an deene leschten zwee Joer ausgeschafft ginn a knäppt un den éischte Band un. D’Léierbicher riichte sech virun allem un […]

Horaires d’ouverture INL-Kirchberg – été 2017

Jusqu’au 28/07/2017 : 08h00 – 12h00 Du 31/07/2017  au 01/09/2017 : fermé au public Du 04/09/2017 au 14/09/2017 : 08h00 – 12h00 Le 15/09/2017 : 10h45 – 14h15 / 15h15 – 18h45 (journée d’inscription)