Froen an Äntwerten

All
Aschreiwung
Coursen
Evaluatioun
Sproochentest
Zertifikatiounen

  • Gitt op „MyINL“
  • Maacht en Aschreifdossier op, fir d’Zougangscoden – Identifiant a Passwuert – ze kréien.
  • Bezuelt Är Dossierskäschten:
    • entweder direkt mat der Kreditkaart (gesécherte Virgang)
    • oder mat engem Versement oder Virement (dréckt dofir den Avis de paiement aus Ärem perséinleche Benotzerberäich aus)
D'Dossierskäschte si pro Schouljoer, pro Apprenant a pro Sprooch ze bezuelen. De Montant gëtt net rembourséiert a muss spéitstens dräi Aarbechtsdeeg no der Demande bezuelt gi sinn.
  • Nodeems Dir bezuelt hutt, kënnt Dir an Ärem perséinleche Benotzerberäich op „MyINL“ op „Nei Aschreiwungen“ klicken an e Rendez-vous auswielen.
  • Dréckt d’Confirmatioun aus a bréngt se fir Äert Evaluatiounsgespréich mat.
  • d’Confirmatioun vun Ärem Rendez-vous, déi Dir an Ärem perséinleche Benotzerberäich erausdrécke kënnt
  • en Identitéitsdokument
  • eventuell en Dokument, fir de reduzéierten Tarif ze kréien
Wann Dir keen Ufänger sidd, kënnt Dir en Orientatiounstest maachen. Dësen Test baséiert sech op de GERS >.
  • Am Lëtzbuergeschen, Franséischen an Däitschen hutt Dir d’Méiglechkeet, online en Test ze maachen, nodeems Dir en Aschreifdossier ugefrot hutt.
  • Fir all déi aner Sproochen (Englesch, Spuenesch, Italienesch, Portugisesch a Chinesesch), gëtt während den Astufungs- an Aschreiwungsdeeg en Test organiséiert.
Während engem Gespréich vun ongeféier 15 Minutte schwätzt Dir individuell mat engem Enseignant a sicht zesummen dee Cours, deen Äre Fäegkeeten an Äre Besoinen am beschten entsprécht.
Fir Är Aschreiwung definitiv ze bestätegen, musst Dir de Cours bezuelen. Wann Dir eng Plaz an engem Cours kritt hutt, musst Dir bannent dräi Schaffdeeg bezuelen:
  • entweder mat Kreditkaart iwwert Äre perséinleche Benotzerberäich
  • oder mat engem Virement. An dësem Fall musst Dir bannent dräi Deeg e Beweis fir Är Iwwerweisung am Informatiounsguichet am INL virweisen oder per E-Mail (paymentcourse@inll.lu) oder per Post un den INL schécken.
  • 250 € fir e Cours vun 10 Stonnen d’Woch (5 mol 100 Minutten)
  • 230 € fir e Cours vun 8 Stonnen d’Woch (4 mol 100 Minutten)
  • 170 € fir e Cours vu 6 Stonnen d’Woch (3 mol 100 Minutten)
  • 135 € fir e Cours vu 4 Stonnen d’Woch (2 mol 100 Minutten)
  • 100 € fir e Cours vun 2 Stonnen d’Woch (1 mol 100 Minutten)
Zu deene Persounen, déi sech zu engem reduzéierten Tarif kënnen aschreiwen, gehéieren:
  • Persounen, déi am bezuelte Chômage sinn an eng Convocatioun vun der ADEM virweise kënnen;
  • Persounen, déi den RMG kréien an eng Attestatioun vum Service national d’action sociale virweise kënnen;
  • Persounen, déi als bedürfteg unerkannt sinn an eng op hiren Numm ausgestallten Attestatioun vum OLAI (Office luxembourgeois de l'accueil et de l'intégration) oder dem Sozialbüro vun der Gemeng virweise kënnen;
  • Fonctionnairen, Employéë vum Staat oder gläichgestallte Persounen, wann op Ufro vum concernéierte Chef d’administration oder Chef de service speziell fir si e Cours organiséiert gëtt;
  • Schüler aus dem Postprimaire, déi e motivéiert Recommandatiounsschreiwes dvun hirem Direkter virweise kënnen.
De reduzéierten Tarif gëtt just accordéiert, wann déi concernéiert Persoun déi uewen ernimmten Dokumenter, bei der Aschreiwung dobäihuet. De reduzéierten Tarif gëllt just fir Coursen an den dräi administrative Sprooche vum Land souwéi fir Englesch a just fir ee Cours pro Semester, et sief, et gëtt eng extra Erlaabnis vun der Direktioun vum INL. Eng Persoun, déi mat engem reduzéierten Tarif an e Cours ageschriwwen ass, muss pro Mount en Taux de présence vun 80 Prozent hunn. Wann de Prozentsaz drënner läit, gëtt den Apprenant opgefuerdert, den integrale Montant vun den Aschreiwungskäschten ze bezuelen. Wann den Apprenant dat net mécht, gëtt hien direkt aus dem Cours ausgeschloss.

De reduzéierten Tarif ass op folgend Coursë begrenzt:

  • Däitsch, Englesch, Franséisch a Lëtzebuergesch;
  • Coursë vun 8h00 bis 12h00 an tëschent 14h00 an 17h00.
 
Jiddwereen, deen déi Lëtzebuerger Nationalitéit wëll ufroen an déi sproochlech Tester maache muss.
Fir de LAF, den DELF-DALF, den TCF, de Goethe-Zertifikat, de PET, de FCE, den CAE, den CPE, den CELI an den DELE kënnt Dir Iech direkt am Examensbüro vum INL umellen. D’Aschreiwungsformulairë kënnt Dir um Internetsite vum INL ënner „Formulairen >“ eroflueden.
  Fir déi aner Exame kënnt Dir Iech direkt bei eise Partnerorganismen aschreiwen: TestDaF - TestDaF Teilnehmerportal DIPLE-DAPLE - Universidad de Lisboa IELTS - British council IELTS online registration

 

D’Umeldung kascht 75 €, dëse Betrag gouf an engem Règlement grand-ducal festgeluecht.
D’Datumer stinn um Internetsite vum INL. All eis Examensdatumer am Kalenner >
Vum September 2015 u gëtt de Sproochentest an zwee verschiddene Gebaier ofgehal :  

Mëndlechen Ausdrock

Institut national des langues 15, rue Léon Hengen L-1745 Luxembourg

Héierverstoen

Ecole Européenne Luxembourg ll 6, rue Gaston Thorn L-8268 Mamer
Den Zertifikat vum Sproochentest ass vun deem Datum un, deen dropsteet, zwee Joer laang gülteg.
D’Zuel vun den Umeldungen ass net begrenzt. Mä eng nei Umeldung ass just méiglech, nodeems Dir d’Resultater vum Test virdru kritt hutt.
E Kandidat, deen ouni Grond decidéiert, den Test net matzemaachen, oder dee beim Sproochentest feelt, kritt seng Suen net erëm a muss sech nach eng Kéier aschreiwen.
De Sproochentest ass déi eenzeg unerkannten Zertifikatioun, fir d’Nationalitéit kënnen unzefroen. Och wann Dir de mëndlechen Examen am Lëtzebuergesche beim Staat gemaach hutt (fir Fonctionnaire ze ginn), sidd Dir bei enger Demande fir eng Naturalisatioun net automatesch vun der sproochlecher Epreuve am Lëtzebuergesche fräigestallt.  
  • allgemeng Coursë fir Ufänger
  • allgemeng Coursë fir Persounen, déi scho Kenntnisser an der Sprooch hunn
  • spezifesch Coursen: Phonetik, schrëftlechen Ausdrock, mëndlechen Ausdrock, „Deutsch für den Beruf“, „Business English“, „Deutsch für Juristen“, „L’italien des médias“, fir der nëmmen e puer ze nennen
D’Offer vun de Coursen riicht sech no den Aschreiwungen, de personelle Ressourcen an den Infrastrukture vum INL.
  • Lëtzebuergesch
  • Franséisch
  • Englesch
  • Däitsch
  • Chinesesch
  • Spuenesch
  • Italienesch
  • Portugisesch
  • Däitsch
  • Englesch
  • Italienesch
  • Portugisesch
  • Spuenesch
    Sproochen déi am Hierschtsemester am LAML enséignéiert ginn. Dës Offer ka vu Semester zu Semester änneren.
  • Lëtzebuergesch
  • Franséisch
  • Englesch
Ären Enseignant seet Iech am Ufank vum Cours, wat fir Material respektiv wat fir e Buch benotzt gëtt. Dir braucht och e Bic a Pabeier an eventuell e Classeur oder eppes Ähnleches, fir d’Kopien an/oder aner Dokumenter, déi Dir an der Klass ausgedeelt kritt, ze klasséieren.
D'Flüchtlingen hu Recht op e gratist Léierbuch. Den Enseignant kritt eng Lëscht mat de Kandidaten, déi a Fro kommen, an d’Administratioun bestellt d’Bicher.
Toute inscription à un cours est considérée par l’INL comme définitive dès paiement des frais d’inscription. Il est dès lors important que l’apprenant fasse le choix du cours et des horaires en fonction de ses disponibilités. Un changement de cours n’est pas possible sauf dans les cas exceptionnels  exposés ci-après.    1.    Les demandes de changement d’horaire sont irrecevables, à l’exception des cas suivants et dans la limite des places disponibles :
  • Les demandes de changement d’horaire qui s’avéreraient nécessaires suite à une inscription de l’apprenant dans plusieurs cours de langue à l’INL.
  • Les demandes de changement d’horaire dues à une nouvelle situation de travail pendant le semestre en cours (sur demande écrite dûment motivée et certifiée par l’employeur, à introduire auprès de l’administration des cours par courrier ou courriel à cours@inll.lu ).
  2.    Les changements de niveau durant la première session du nouveau semestre :
  • Les changements de niveau en début de semestre peuvent s’avérer nécessaires lorsque l’enseignant constate que le niveau déterminé lors  des entretiens d’évaluation des journées d’inscription ne correspond pas au niveau de la classe.
  • Ces changements peuvent être opérés uniquement au cours de la première session du nouveau semestre.
  • Le changement est à demander auprès du titulaire de classe (sur base d’un formulaire spécifique disponible auprès de votre titulaire de classe) et ne pourra se faire qu’après validation de la demande par le conseiller pédagogique et le transfert à l’administration.
 
Schwätzt mat Ärem Enseignant, deen dann eng Demande fir e Klassewiessel bei der Administratioun eragëtt. Dir kritt perséinlech eng Confirmatioun vum Klassewiessel geschéckt.
Jo. D’Präsenz vun den Apprenantë gëtt an all Cours kontrolléiert. D’Präsenze sinn informatiséiert an Dir kënnt se kontrolléieren. Vun Ärem perséinleche Benotzerberäich MyINL >aus kënnt Dir e Präsenzzertifikat ausdrécken.
Persounen, déi net an engem Cours ageschriwwe sinn, däerfen aus legalen an aus Sécherheetsgrënn net an d’Klassesäll eran. Dat kéint ausserdeem de Cours stéieren.
Ären Enseignant ass Är éischt Kontaktpersoun. Mä wann Dir administrativ oder organisatoresch Froen hutt, kënnt Dir den Accueil oder d’Administratioun kontaktéieren.
Dir kënnt de Coordinateur vum Departement vun där Sprooch kontaktéieren, déi Dir léiert. D’Ëffnungszäiten hänken nieft dem Sall vun de Coordinateuren op engem Panneau aus. E Rendez-vous ass obligatoresch an Dir kënnt deen iwwert Äre perséinleche Benotzerberäich um Site vum INL huelen.
Am Ufank vum Semester kritt all Apprenant seng Schülerkaart (carte d'apprenant). Mat dëser Kaart hutt Dir Zougang zu der Mediathéik an der Kantin. Dir musst dës Kaart ëmmer virweise kënnen, wann Dir se gefrot gitt.
Fir d’Kommunikatiounskompetenze vun den Apprenanten ze perfektionnéieren, ginn zwou Evaluatiounsmethodë gebraucht :
  • déi formativ Evaluatioun: Hei ginn d’Apprenanten iwwert d’ganzt Semester an deene verschiddenen Etappe vun hirem Léierprozess begleet
  • déi zertifikativ Evaluatioun: Hei gëtt zum Schluss vum Semester en Test gemaach.
All Apprenant vum INL, deen d’Tester zum Schluss vum Semester bestanen oder d’Evaluatioune während dem Semester gepackt huet, huet Recht op e Kompetenzbilan. Dëse Kompetenzbilan gëtt en Iwwerbléck iwwer d’Kompetenzen, déi sech den Apprenant op deem betreffenden Niveau vum GERS > ugëeegent huet.
  • Lëtzebuergesch :
    • Lëtzebuergesch als Friemsprooch (LaF, Niveauen A2, B1, B2, C1)
    • Sproochentest (fir d'lëtzbuergesch Nationalitéit ze kréien, A2 mëndlech, B1 Héierverstoen).
  • Franséisch :
    • Diplôme élémentaire de la langue française (DELF, Niveauen A1, A2, B1, B2, C1)
    • Diplôme approfondi de la langue française (DALF, Niveauen A1, A2, B1, B2, C1)
    • Test de connaissance du français (TCF, Niveauen A1-C2).
  • Englesch :
    • Cambridge English Language Assessment (PET, FCE, CAE, CPE, Niveauen A2-C2)
    • International English Language Testing System (IELTS, Niveauen A1-C2).
  • Däitsch :
    • Goethe Zertifikat (Niveauen A2, B1, B2, C1)
    • Test Deutsch als Fremdsprache (TestDaF, Niveauen B2 + C1).
  • Spuenesch :
    • Diplomas de Español como lengua extranjera (DELE, Niveauen A1-C2)
  • Italienesch :
    • Diploma della Lingua Italiana (CELI, Niveauen A1-C2).
  • Portugisesch :
    • Diploma Intermédio de Português Língua Estrangeira
    • Diploma Avançado de Português Língua Estrangeira (DIPLE-DAPLE, Niveauen A2, B1, B2, C1).
D’Umeldung gëtt direkt am INL oder mat engem Schreiwes un den INL gemaach.
INL Service des examens 15, rue Léon Hengen L-1745 Luxembourg Tél. : +352 26 44 30 – 361 Fax : +352 26 44 30 – 360 Courriel : exam@inll.lu