Niveauen op de Grondlage vum Gemeinsamen Europäesche Referenzkader fir Sproochen

A1

Op dësem Niveau sidd Dir fäeg, mat einfache Wierder a Sätz an Ärem Alldag ze kommunizéieren.

Dir kënnt zum Beispill:

  • Iech presentéieren, eng Persoun kenneléieren
  • akafe goen
  • iwwert Är Liewensgewunnechte schwätzen (Fräizäit, Wunneng)
  • einfach Formulairë liesen an ausfëllen, Invitatiounen a Postkaarte liesen

A2


Op dësem Niveau sidd Dir fäeg, op einfach Manéier an Ärem Alldag ze kommunizéieren.

Dir kënnt zum Beispill:

  • Äert perséinlecht a professionellt Ëmfeld beschreiwen (Persounen, Plazen, Formatioun, Aarbecht)
  • Informatiounen an einfach Iddien austauschen
  • iwwer kuerz an einfach Situatioune schwätzen
  • Notten an einfach Bréiwer schreiwen
  • kuerz an einfach Texter verstoen

B1

Op dësem Niveau sidd Dir fäeg, Iech den alldeegleche Situatiounen am Liewen ze stellen an Iech (wann och net ëmmer fléissend) iwwert d’Aktualitéit ze äusseren.

Dir kënnt zum Beispill:

  • alldeeglech Gespréicher verstoen an drun deelhuelen
  • är Meenung ausdrécken an Iddien iwwer aktuell Themen austauschen
  • d’Haaptpunkte vun Texter verstoen, déi verständlech verfaasst sinn
  • de gréissten Deel vun den Informatiounen an enger Emissioun op der Tëlee verstoen
  • en Evenement, eng Erfarung oder en Dram erzielen, eng Hoffnung oder en Zil beschreiwen
  • e Bréif oder eng strukturéiert E-Mail schreiwen
  • kuerz Grënn oder Erklärungen zu engem Projet oder enger Iddi ausféieren

B2

Op dësem Niveau sidd Dir fäeg, mat Liichtegkeet an op relativ korrekt Aart a Weis iwwert eng grouss Bandbreet vun Themen ze kommunizéieren.

Dir kënnt zum Beispill:

  • är Meenung op präzis an detailléiert Aart a Weis ausdrécken
  • är Meenung begrënnen
  • de gréissten Deel vun den Emissiounen um Radio oder op der Tëlee verstoen
  • d’Haaptpunkte vun den Emissiounen a Filmer, déi ouni Dialekt geschwat sinn, verstoen
  • verständlech formuléiert an detailléiert Texter iwwer divers Theme verstoen a verfaassen

C1

Op dësem Niveau sidd Dir fäeg, d’Sprooch op entspaant an effikass Manéier ze gebrauchen.

Dir kënnt zum Beispill:

  • är Gedanken entwéckelen, andeems Dir vum Einfachen op dat Komplext a vum Konkreten op dat Abstrakt gitt
  • iech am Mëndleche wéi och am Schrëftleche fléissend a spontan iwwer komplex Theme wéi dat soziaalt, dat professionellt oder dat akademescht Liewen ausdrécken
  • eng grouss Bandbreet u laangen an exigenten Texter verstoen an hir implizit Bedeitungen erkennen
  • Notten op Basis vun Dokumenter oder laangen oder komplexen Exposéen huelen
  • laang a komplizéiert Texter resuméieren

C2

Zum Schluss vun dësem Niveau sidd Dir fäeg, ouni Effort ze kommunizéieren a fein Nuancë bei komplizéierten Themen ze verstoen.

Dir kënnt zum Beispill:

  • d’Subtilitéite vun der Sprooch korrekt a präzis gebrauchen
  • d’Sprooch mat allen Accenten an ëmgangssproochlechen Elementer verstoen, egal wéi séier am Gespréich respektiv an de Medie geschwat gëtt
  • laang a komplex Texter verstoen an interpretéieren
  • komplex Texter (Artikelen, Rapporten…) verfaassen, déi u bestëmmten Ëmstänn ugepasst sinn

Niveaux des cours

A1.1
A1.2
A1
A2.1
A2.2
A2
B1.1
B1.2
B1.3
B1
B2.1
B2.2
B2.3
B2
C1.1
C1.2
C1