Den Enseignement, de Léierprozess an d’Evaluatioun am INL baséieren op de Grondlage vum Gemeinsamen Europäesche Referenzkader fir Sproochen (GERS, www.coe.int), dee vum Europäesche Rot ausgeschafft gouf. De GERS ënnerscheet sechs Niveaue vun A1 fir Ufänger bis C2, den Äquivalent fir Mammesproochler.

D’Sproochecoursen am INL:

  • entspriechen de 6 vum GERS virgeschriwwene Kritären – vun A1 bis C2;
  • gi vum Niveau A1 un an der Zilsprooch gehalen;
  • baséieren op der Interaktivitéit;
  • hunn als Zil, d’Sproochekompetenzen ze fërderen: Textverständnis, Liesen, Schreiwen a Schwätzen;
  • bezéie Grammaire, Rechtschreiwung, Vocabulaire an Aussprooch mat an;
  • ënnerstëtzen d’Autonomie a sollen d’Apprenanten encouragéieren, iwwer d’Léiermethoden nozedenken an sech selwer regelméisseg anzeschätzen.

Ee Cours dauert 100 Minutten.

D’Apprenantë ginn op Basis vun enger formativer Evaluatioun oder vun engem Test zum Schluss vun all Semester evaluéiert. Si kréien e Bilan, op deem hir erreechte Kompetenze festgehale sinn.

D’Offer besteet aus:

  • allgemenge Coursë fir Ufänger a fir Persounen, déi scho Kenntnisser an der Sprooch hunn;
  • spezifesche Coursen (mëndlech, schrëftlech);
  • Virbereedungscoursen op d’Sproochentester an -examen;
  • enger Formatioun fir Lëtzebuergeschenseignanten (ZLSK).

NEIEGKEETEN

Literaresch Table ronde den 23.10.2019 um 19.00 Auer

 Den Institut national des langues (INL) organiséiert den 23. Oktober 2019 um 19.00 Auer am Kader vu sengem 10. Anniversaire eng literaresch Table ronde mat 4 Gewënner vum Servais-Präis: Roland HARSCH (2001: Laub und Nadel) Nico HELMINGER (2014: Abrasch / 2018: Kuerz Chronik vum Menn Malkowitsch sengen Deeg an der Loge) Roland MEYER (2015: Roughmix) […]

Réinscriptions à partir du 09/09/2019 via MyINL

Nous nous excusons pour le ralentissement de notre Portail qui est dû au trafic intense des réinscriptions. Veuillez patienter et réessayer plus tard de vous réinscrire.

Journées d’orientation et d’inscription 16.09 & 17.09 & 23.09

Uniquement sur rendez-vous via MyINL : https://inscription.insl.lu/cll_public_da.aspx

Dir sidd drun interesséiert, als Lëtzebuergesch-Formateur an der Erwuessenebildung ze schaffen?

Den „Institut national des langues“ (INL) bitt ab Hierscht 2019 erëm d’Formatioun “Zertifikat Lëtzebuerger Sprooch a Kultur” (ZLSK) un. D’Formatioun vun 120 Stonne riicht sech exklusiv u Leit, déi sech als Lëtzebuergesch-Formateuren an der Erwuessenebildung bei de Gemengen oder am konventionéierte  Secteur wëllen aus- oder weiderbilde loossen. D’ Formatioun ass folgend Samschdeger, ëmmer vun 9-12 […]